Is ST. CATHERINE'S INTERNATIONAL KINDERGARTEN Good?

“Sc 啲admin幾好 一啲都唔混亂 ，兩個小朋友遇到嘅老師都係好，especially k2 老師都真係幫手train 小朋友自我介紹，show and tell 學校唔會安排校外考試，校內評估有範圍同埋都會係學校有溫習時間 學校唔會安排比賽，但k2/k3有校內講故事比賽。同埋學校唔會分豬肉獎，小朋友唔會比較 英粵班就識聽、講就一般啦 有升小講座，有過內人成功入到神校 一線私直返來分享 K1 畫線油色 k2 開始寫字 k3 下學期會模擬小一 寫家課冊，一日二至三分功課，每周要寫周記。”

“SC係可以令小朋友愉快學習，有project做，有show & tell。我三年遇到嘅老師都係好，亦都好responsive，不過畢竟大校你唔好預佢會成日打電話同你update。 但佢唔係一間幫你砌靚portfolio考小嘅學校，唔會帶你比賽幫手考試，呢啲你真係要靠自己。 升小有一個講座，但好generic的，你聽出面補習社嗰啲可能仲有用。 普通話語境應該同其他學校差唔多，功課量唔多，我小朋友k3基本上我都唔會特別檢查佢啲功課。 基本上你讀邊間都要外補，因為大家都補到水平好高。”

“1. 家校溝通：如果自己接送會見到老師多啲嘢傾。就算坐校車你都可以有時接送下。否則就一年一次家長日同用電話溝通（無嘢就一年一/兩次電話，或有事發生時，例如撞親整親）。老師基本上會搵班入面一個家長做聯絡人，一般係多啲出現嘅家長。幫手提下家長有咩準備etc。同一定有班whatsapp group (老師無入group)同全校whatsapp group。另外有official 發放消息whatsapp channel。 2. 幫手考試我諗你講Cambridge, GAPSK 嗰啲。唔會有。因為其實呢啲cert唔係考小必備。不過我有自己考Cambridge starters, GAPSK 高級。其實都係報名。有需要就搵堂上。呢啲cert 嗰價值在學習過程（eg Cambridge 叫做訓練聽、說、讀、寫少少；GAPSK嗰考試就好hea 嘅，我哋諗住係英粵班就去讀下普通話同考下）。”

“k3生，我覺得SC幫到小朋友自信同鍾意返學。如果無咩特別野，老師可能一年會打俾一至兩次左右，家長有野想問，可以打俾學校叫老師call back. 學校係唔會幫手考校外試，比賽亦都唔會。普通話水平應該英普班比較好，我小朋友係英粵，就正常。升小講座係zoom形式，都有請舊生分享。K1好輕鬆，K2開始多，K3頭就難好多，可能for升小，不過我個人覺得遲左少少。但其實好多家長都有發力，都幫小朋友外補，但SC中文教得幾深，phonics偏慢，但語景真係唔錯，我小朋友無工人姐姐同佢講英文，我地都少，但有時見佢同同學都用英文，亦唔怕同NET溝通。”

“家校合作，其實睇你自己有幾踴躍，你自己可以申請做Admin，加緊同學校溝通，或者主動去參加學校嘅義工，或者喺接送嘅時候你可以同班主任交流緊貼學生嘅進度。 第二學校會有評估，冇所謂考試嘅，所以冇話特別英文試是同中文試，不過如果你喜歡嘅話，可以另外喺其他渠道去報相關嘅語言測試。 第三點學校會唔會帶學小朋友出去比賽，學校會帶小朋友出去體驗唔同嘅課外活動，但係比賽就唔會，因為每個小朋友都能力唔同，通常自己家長帶佢出去參加唔同嘅比賽，近近哋就溜冰多，咁當然有好多唔同類型啦，有啲係飛去其他國家度有運動比賽。 第四點，學校嘅普通話水平如何，學校都算多講普通話嘅老師，我自己小朋友本身喺屋企都講過國語廣東話同英文，所以呢part反而我有冇乜擔心， 我見到其他小朋友，睇你屋企點樣創造語警，有啲小朋友嘅普通話嘅流利嘅程度係另外有少少喜出望外。 升小講座，放心一定有，仲講得好full添，睇你自己有冇做筆記，成個流程時間點佢會同你講得好清晰點樣去，你會好了解成個流程係點樣進行 最後K1至K3 ， K1主要係啲連線嘅比較多，然後到下學期就會開始有啲字要寫，其實小朋友都係當連線咁樣去寫，跟住會有project Week大家會去合作做一啲project，然後就會有個Fun day，俾小朋友去做表演。K2就主要係中英數一版，有時有啲閱讀要做，同埋英文閱讀都要做，家長要睇返小朋友嘅閱讀情況，寫返comment。K3就加深程度，會拉得幾快，同K2好唔同，有閱讀理解需要做，自己去解題，然後做一啲Spell，數學嘅應用題，中文頭先都有講閱讀理解，然後一樣地每三個年級都會有一個project要做。”